aňlatmak

işlik

[a:ňlatmak]

1) Düşündirmek, aňyna ýetirmek, bildirmek.

∙ Köplenç wagtlarda bir düşünjäniň özüni dürli sözler bilen aňlatmak bolar. (S. N. Winogradow, A. F. Kuzmin, Logika)

2) Many bermek.

∙ Sesler belli bir tertipde gelip, many aňladýarlar.

3) Duýdurmak, bildirmek, syzdyrmak.

∙ Aman poşy özüniň razydygyny her sözünde aňladardy. (A. Gowşudow, Mähri-Wepa)

∙ Hojaw, Artykowa seredip, bir zat diýjegini aňlatdy. (B. Gurbanow, Duşuşyk)

Ýazuw düzgüni: Soňuna çekimli ses bilen başlanýan goşulmalar ýa-da -ýar goşulmasy goşulanda, t sesi d sesine öwrülýär.

Meselem aňlatmak - aňladýar, aňladar, aňladypdyr.